车路士防线大甩辘

2019/09/22

文:乐比坚尼

车路士射手 谭美阿巴谦

next 1/1 pre

车路士领队 林柏特

next 1/1 pre

利物浦箭头 穆罕默德沙拿

next 1/1 pre

利物浦前锋 沙迪奥文尼

next 1/1 pre

后衞失魂顶唔住红军

今晚英超上演红蓝大战,由车路士主场对利物浦。车仔今季全面革新,几名新星都打出名堂,但演出唔稳定始终係致命伤,防线守将轮流甩辘,导致失球数字高企,今晚面对火力强劲嘅利物浦,相信会有唔少入球出现,中位数2.5球嘅大盘值得捧场。(Now 621及611周日晚11时30分直播)

车路士今季被罚冇得买人,但却可谓因祸得福,因为短时间内已经打起咗几件自家製产品,射手谭美阿巴谦今季已取得7个入球,领队林柏特「契仔」美臣蒙特亦有3球进帐兼入选国家队,而最新上位嘅球员係后衞汤姆利,呢3位21岁以下嘅球员相信会成为未来英格兰国家队嘅中流砥柱。

虽然车仔进攻够晒悦目,但係防线就似乎畀唔到人信心,尤其係主将尼高路简迪受伤后,中场嘅保护明显唔够,所以「林伯」近两仗索性踢回干地执教时期採取嘅343阵式,希望以人数压缩空间,弥补防守上嘅失误,令葛特苏马、安达斯基斯坦臣等成日「派胶」嘅球员冇咁大压力。可惜「林伯」呢招似乎亦唔多奏效,车仔今季所有赛事场场有失波,联赛失球率亦仅次于诺域治,实在湿滞。

文尼脚风顺到晕

利物浦同车仔虽然同样喺上周中进行嘅欧联失利,不过联赛至今一直保持高水平,连胜纪录已去到跨季嘅14连胜,打破球会纪录;「埃及文明」至今保持高入球率,加埋已取得10个入球,尤其係沙迪奥文尼可谓脚风超顺,绝对係「蓝战士」今场心腹大患。

两队曾于今届欧洲超级杯相遇,当时车仔佔尽优势,最终加时打和2比2,互射12码落败,不过嗰场波竞争性唔算强,利物浦亦畀人留有一手嘅感觉,相信今次交手会激烈好多,暂时2.5中位数入球大略嫌太热,可等开波后升番高水再分段吸纳都未迟。