利记大盘秤仙

2019/08/24

文:乐比坚尼

红军射手 罗拔图法明奴

next 1/1 pre

阿仙奴箭头 奥巴美扬

next 1/1 pre

埃及文明开晒斋

英超连续3周都有Big 6大战,今晚尾场利物浦主场激斗阿仙奴。两队係开季至今仅余嘅全胜球队,利物浦季初保持火力,「埃及文明」上晒力全部开晒斋,面对阿仙奴嘅「性感」防线,相信可保持多波入嘅传统,中位数3/3.5嘅大盘值得捧场!

(Now 621及611周日凌晨零时30分直播)

利物浦近年对亲阿仙奴都踢得灿烂,尤其喺晏菲路球场更甚,近6次碰头总入球全部都喺4球以上,上季就凭罗拔图法明奴「戴帽」大胜5比1,所以今场主W热到得1.39倍,唔係话冇塬因。

利物浦今季不变应万变,上季仅以1分之差失落联赛锦标,今季捲土重来,最大隐忧本来係「埃及文明」呢两年征战太频繁,但领队高普季初都用得好小心,畀佢哋延迟归队同轮流休息,所以季初踢来都保持到上季嘅水准。不过「红军」防线季初似乎唔係太集中,两场杯赛同两场联赛都有失波,上仗代替艾利臣比加把关嘅阿祖安卡斯迪路出丑,证明佢脚下功夫唔适合参与控球组织,若然阿仙奴叁箭齐发,利物浦未必保到不失。

「炸弹」大衞雷斯随时引爆

事实上阿仙奴今季阵容确实令球迷充满幻想,皇马借将丹尼施巴路斯公认係上佳引援,由里尔加盟嘅箭头尼高拉斯比比虽然未获正选,但后备落场都有睇头,加埋雷斯尼尔逊、祖尔韦洛克等优质小将,成队波活力增强不少。唔讲唔知,「兵工厂」已10年未试过开季两连胜,今季开局咁靓有助增强球员信心。可惜佢哋防线同样不稳,尤其新加盟嘅大衞雷斯,你永远唔知呢件「炸弹」几时发波瘟,佢同柏柏斯达夫普路斯能否阻止「红军3条烟」,乐比绝对有保留,与其玩盘倒不如改向大盘埋手仲实际。