曼城撼热刺半场献细

2019/08/17

文:乐比坚尼

曼城核心 大衞施华

next 1/1 pre

热刺炮台 哈利卡尼

next 1/1 pre

强强对碰预咗保守

今晚英超第2轮又有Big 6大战,衞冕嘅曼城主场对热刺,两队首战同样全取3分,今仗遇劲敌预计踢法倾向保守,推介中位数1.5球嘅半场细盘,另审时度势下,角球细同样抵玩。(Now 611及621周日凌晨零时30分直播)

单睇两队火力,唔少人会认为多波入,尤其上季欧联碰头时出现过4比3超激战果,但再细心留意,两队上季4次碰头其余3仗都係1比0收场,过程中踢法极度谨慎,预计今晚季内首度交锋,战况会差不多。至于有球迷话今季英超採用VAR,有助产生大量12码,乐比起初觉得有理,不过睇番《经济学人》一篇分析,德甲、意甲及澳职等率先採用VAR嘅联赛,12码出现比率得西甲有轻微增长,证明两者冇必然关係,所以最紧要FC(Fact check),唔好人讲你就信。

讲番场波,乐比相信热刺係利物浦以外,最能挑战曼城嘅球队,尤其今季罗致尼当比利、卢施素及赖恩施斯隆几位当打球员,人脚调动充裕得多。其实领队普捷天奴对待Big 6大战极其保守,中后场密不透风,只待前线反击,睇番热刺上季次循环嘅5场Big 6大战,上半场全部冇入多过1球,加上孙兴民继续坐波监,对热刺反击都有一定影响,半场细有可取之处。

技术流比併角球唔慌多

乐比同时好认同摩连奴一句说话,即使曼城后备队都有力争逐英超,「蓝月」强大之处係成队波已融为一体,个别位置变动完全唔影响发挥,球员走位灵活,控球在脚兼高位抢逼踢法,唔会下下硬爆落底,角球自然少。英超Big 6对碰倾向技术流,曼城上季所有赛事14次对Big 6,得2次角球係10个以上,当中4次对热刺都唔超过10个,今场中位数10.5球角球细有1.68倍同样吸引。