均势波唔似欧霸一面倒

2019/06/01

文:黄兴桂

随住今晚热刺对利物浦喺马德里争逐欧联冠军后,代表今季欧洲各大主流联赛正式落幕。同为「英超内讧」,但Peter深信今晚会同日前欧霸决赛车路士对阿仙奴嘅战况,截然不同。

卡尼伤愈反令普帅烦恼

车仔对阿仙奴均属今季失意球队,好在车仔总算踢番场争气波,成功捧杯而回,亦令阿仙奴再次暴露缺点及斗心不足问题。相反热刺同利物浦经过重重考验,死裏逃生跻身决赛,可谓势均力敌,好难会出现阿仙奴忽然崩溃嘅情况。

热刺喺有限资源下创造佳绩,主帅普捷天奴当然抵讚。不过佢哋始终係决赛「新丁」,经验唔够难免要交学费。射手哈利卡尼虽伤愈赶及复出,但久疏战阵未必够弗,强行派佢上阵反令弗爆嘅卢卡斯莫拉坐冷板,普帅点拣都係烦恼。以波论波,夫添出击嘅利物浦略胜一筹,除「埃及文明」外,不妨留意右闸阿历山大阿诺特,呢位20岁嘅小将,6岁已加入红军青训学院,佢能攻擅守,成长速度飞快,上年接连参加欧联决赛同世杯,绝对係年轻球员学习榜样。无论今仗「英超内讧」边队赢,相信会成为欧联其中一场经典。