曼城屈机让得起

2019/09/21

文:黄兴桂

昔日英国着名作家狄更斯,以上世纪法国大革命为背景、描述当时英国黑暗时期嘅长篇小说《双城记》,成为世界文学经典名着之一,放诸依家百花齐放嘅英超,今晚亦有「双城会」值得留意。首先係头场首「城」,李斯特城主场对热刺,热刺于周中欧联领先2粒下,竟被奥林比亚高斯逼和2比2,耗力不小却失分而回,都咪话唔伤,相反李斯特城开季至今仅1败,而且有地利兼以逸待劳,平手盘可谓坐和可赢。

至于另一「城」──曼城主场对屈福特,虽然曼城上场联赛爆冷输畀诺域治,但查实表现唔差,只係射极都唔入,反而诺域治例不虚发,可见嗰日曼城都係输畀幸运之神,今斗屈福特不容再失,让到2/2.5球都冇有怕。

周日社区杯记得捧场

不得不提嘅,係听日有由香港足总与马会合办嘅社区杯,呢项结合足球及慈善元素嘅赛事,并且别开生面,加插一场香港骑师队对香港名宿队,骑师队有潘顿、莫雷拉等着名骑师悉数上阵,名宿队更有最好波嘅「50后」刘荣业、陈发枝,同最好波嘅「60后」山度士登场,咁有意义嘅慈善赛,记得听日下午3点去旺角场捧场喇。